यमबुद्धको शव काठमाडौं ल्याइयो

चर्चित र्‍याप गायक यमबुद्धको शव शनिबार काठमाडौं ल्याइएको छ। युवा पुस्तामाझ निक्‍कै लोकप्रिय भएका गायक यमबुद्धले लण्डनमा आत्महत्या गरेका थिए।

यमबुद्धको शव शनिबार दिउँसो ४ बजे इत्तिहाद एयरलाईन्सबाट काठमाडौं ल्याइएको हो। आत्महत्या गरेको दुई हप्तापछि उनको शव काठमाडौं ल्याइएको हो।

शव त्रिभुवन विमानस्थलहुँदै कमलादीस्थित प्रज्ञाभवनमा लगिने र आजै उनको पार्थिव शरीरलाई प्रज्ञाभवनमा अन्तिम श्रद्धाञ्जलीका लागि राखिने परिवारले जनाएको छ। साथै अन्तिम श्रद्धाञ्जली दिईसकेपछि उनको शनिबारै साँझ पशुपतिस्थित आर्यघाटमा अन्तिम दाहसंस्कार गरिनेछ।

यमबुद्धको वास्तकवि नाम अनिल अधिकारी हो। वि.सं २०४४ साल जेठ १६ गते जन्मिएका यमबुद्ध २०७३ साल माघ १ गते २९ वर्षकै कलिलो उमेरमा संसारबाट विदा भएका थिए।

 

 

 

Tagged: Yama Buddha 4, Anil Adhikari 2